GARDSUTSAL

OM GAMALNORSK SPÆLSAU

Rasen er ein av dei få opprinnelege norske sauerasane, som antakelegvis stammar frå steinalderen. For få år sidan var denne rasen utryddingstrua. I dag er denne sjeldene men hardføre rasen utbreidd over heile landet, spesielt i innlandet og i fjellet. Gamalnorsk Spælsau har eit sterkt flokkinnstinkt, og veit å bruke sine horn – både søyer og værar. Dei er flinke til å ta seg fram, særleg i bratt lende, og trivs godt på skogs- og fjellbeite, Dette gjer at dei også er veldig effektive i vedlikehald av kulturlandskapet.

På Aalstveit avlar me på reinrasa Gamalnorsk Spælsau, ein av få flokkar i Buskerud som er godkjent av Sauekontrollen, og Landslaget for Gamalnorsk Spælsau. Flokken er godkjent økologisk , og har tilgang til uteliv året rundt.

OM ULL & SKINN

Ulla er nokså unik, med farger frå nesten kvit gjennom blå/grå og svart til raudbrun. Det fins store fargenyansar. Det ganske grove dekkhåret hjelper å føre regn burt frå den veldig fine og godt isolerande underulla.

Skinntrykk er ein eldgamal norsk gardstradisjon. På Aalstveit har me samla mønster som vart brukt lokalt, og spesielt på garden vår. Me har laga sjølve eigne blokkar på gamle måten, og brukt fjellbjørk frå eigen skog. Når du kjøpe eit skinn er du med å bevare ein gamal og sjelden sauerase, fremje ein meir naturleg sauhald, støtte ein lokal driftsform, handverk og gardskunst. Av desse grunnar gjev me kvart skinn eit handlaga merke og nummer som er registrert hjå oss. Desse stadsfester kor skinnet er frå, og gjer det til eit unik produkt med ein historie.